:           شعبۂ تحفیظ القرآن الکریم(تحتانیہ)

اس شعبہ میں ناظرہ قرآن کے بعد بچوں کو قرآن کریم حفظ کرایا جاتا ہے،جس میں ایک طالب علم اوسطاً تین سال کے دورانیہ میں حفظ قرآن کی تکمیل کرلیتا ہے،طالب علم کو حفظ قرآن کے ساتھ ابتدائی تجوید،وقف،دینیات سے بھی روشناس کرایا جاتا ہے۔

:شعبۂ درس نظامی(وسطانیہ تا مولوی)
اس شعبہ میں درجہ اعدادیہ تا مولوی کی مکمل تعلیم کا نظم ہوتا ہے ،اس شعبہ میں عربی نحووصرف،عربی ادب وانشاء،عربی محادثہ ،عروض ،بلاغت،فارسی ادب،                                                       فقہ و اصو ل فقہ،فرائض،ترجمۂ قرآن ،تفسیر واصول تفسیر،حدیث واصول حدیث، تاریخ، منطق،فلسفہ،مناظرہ وتصوف ، وغیرہ مضامین پر مشتمل کتابیں پڑھائی جاتی ہیں۔

:اس شعبہ میں مندرجہ ذیل کورسز پڑھائے جاتے ہیں
                                                                                              وسطانیہ:                                 اعدادیہ واولی
 فوقانیہ:                                                     ثانیہ و ثالثہ
 مولوی:                                                                              رابعہ

: شعبۂ تجوید و قراءت 
اس شعبہ میں درس نظامی کے ساتھابتدائی درجوں میں ’’قراءت بروایت حفص کی باقاعدہ تعلیم دی جاتی ہے ،اس کورس میں تجوید،وقف اور رسم قرآن کی کتابیں پڑھائی جاتی ہیں اور عربی لب ولہجہ میں عملی مشق بھی کرائی جاتی ہے۔

:شعبۂ عصری علوم
دنیاوی نقطہ ٔ نظر سے عصری علوم (اردو،ہندی،انگریزی،حساب،سائنس،سماج)کی ضرورت و اہمیت سے انکار نہیں کیا جاسکتا۔بالخصوص عالمی حالات کے پیش نظر جب کہ اسلام اور مسلمانوں کو دینی و سیاسی، سماجی و معاشی سطح پر مسائل و مشکلات اور گھناؤنی سازشوں کا سامنا ہے ایسے حالات میں اس بات کی ضرورت محسوس کی جارہی تھی کہ مدارس کے ذریعہ ایسے افراد تیار کئے جائیں جو دینی علوم کے ساتھ ساتھ عصری علوم پر بھی عبور رکھتے ہوں تاکہ وہ یہاں سے پڑھنے کے بعد آئندہ کسی بھی نظام تعلیم میں نہایت آسانی سے اپنی تعلیم جاری رکھ سکیں۔ اسی کے مد نظر دارالعلوم سلمانیہ و مسلم یتیم خانہ نے اس اہم ضرورت    کی طرف توجہ دیتے ہوئے اسکولی طرز پر CBSC BORD کے نصاب کے مطابق عصری علوم (اردو،ہندی،انگریزی،حساب سائنس وسماج) کو شعبۂ حفظ و شعبۂ درس نظامی کے ساتھ ضم کرکے جدید نصاب ترتیب دیا۔

:شعبۂ کمپیوٹر
آج کے ترقی یافتہ دور میں کمپیوٹر انسانی زندگی کا لازمی جزء بن کر رہ گیا ہے،جس سے طلبہ کو روشناس کرانا نہ صرف ضروری ہے بلکہ عصر حاضر کا تقاضہ بھی ہے،اور چونکہ کمپیوٹر دینی ،تعلیمی اور تبلیغی سرگرمیوں میں معاون ہونے کےساتھ تصنیفی وتالیفی امور کو بہ حسن وخوبی انجام دیے جانے کا بھی بہترین ذریعہ ہے۔اس لیے کمپیوٹر کو درس نظامی کے مختلف جماعتوں میں داخل نصاب کیا گیا۔

:شعبۂ کیلی گرافی آرٹس
اس شعبہ میں اوّلاً طلبہ کو خوش نویسی کی مشق کرائی جاتی ہے تاکہ طالب علم بدخطی کے عیب سے محفوظ ہوجائے اور پھر کتابت (اردو وعربی رسم الخط)کی فنی تکمیل کرائی جاتی ہے،یہ شعبہ بھی درس نظامی کی ابتدائی جماعتوں میں داخل نصاب ہے۔

شعبۂ تبلیغ و اصلاح معاشرہ. شعبہ امامت

شعبہ کفالت و پرورش یتامی

شعبہ ہنر(سلائی، تجارتی سامان. چھپائی. ڈیزائنگ. الیکٹریشین. پلمبرنگ وغیرہ